Arwyddion - Ysgol y Parc
Mi fyddai’r Cymry ‘stalwm, oedd yn byw rhwng chwedl a ffaith,
Yn chwilio am arwyddion wrth gychwyn ar eu taith.
Ar y fford i’r Berwyn, ar fore gwych o ha’,
Bu sgwarnog yn rhedeg ras â ni: roedd hynny’n arwydd da.
Ond ar y ffordd i’r Berwyn, roedd ‘na oen yn waed yr ael,
A’r brain i gyd yn ymladd: roedd hynny’n arwydd gwael.
Wedyn yn y Berwyn, doedd dim brefu ar y bryn,
Ond ymhobman roedd plu’r gweunydd fel gwlân mân o wyn.
Roedd yno hen hen enwau, fel cân o’r amser gynt,
Carnedd y Ci a Chlochnant, Cwm Tywyll, Moel y Gwynt.
Roedd yno stalwyn claerwyn, fel ceffyl uncorn blêr,
Ac mi ddaeth i syllu arnon ni, a’i lygaid yn llawn sêr.
Roedd yno flodau bychain wrth y miloedd, ar fy llw,
Na fasai’r teithiwr talog ddim yn sylwi arnyn nhw!
Ac yno roedd y goeden fwya’ yn y byd,
A’i brig hi yn y nefoedd ar ffordd yr haul o hyd.
Ac fel y Cymry ‘stalwm, oedd yn byw rhwng chwedl a ffaith,
Mi fuon ninnau’n meddwl am arwyddion dechrau’r daith.
Yr oen bach wedi marw, a’r brain a’u pigau hir,
Ta’r sgwarnog chwim yn rhedeg ras: pa’r un oedd yn wir?
Roedd chwerthin yn y mwsog, a miri ar y mawn,
A ninnau’n gwybod, neno’r tad, mai’r sgwarnog oedd yn iawn!

Vyrnwy is Outstanding!
Published on 30/Jul/2010 What a term! The LIFE education team has worked remarkably hard this summer, 678 children have been Read MoreLIFE at the Royal Welsh Show 2010
Published on 26/Jul/2010 The LIFE Project has just returned from spending a very busy and successful four days at the Read MoreInternational Bog Day Festival
Published on 28/Jun/2010 International Bog Day Festival Sculpture Park, Lake Vyrnwy 31st July 2010 11- Read More














