Lliwiau'r Berwyn - Ysgol Ffridd y Llyn

Bobol annwyl! Gwyn ein byd a’r haul ar hyd y cloddie’

Ar y ffordd o Ffridd y Llyn i’r Berwyn yn y bore.

Ar wib yr aethom heibio i goed na fu erioed eu gwyrddach,

A thrwy’r brige’, gweld y llyn a’i ddŵr yn wyn fel cadach.

Wedyn croesi’r argae llwyd lle boddwyd pentre bychan,

Ar ein penne’ i goedwig hen lle nad oedd lliwie’n unman.

A ninne’n dechre’ ame’ bod y coed yn wrachod cas,

Daeth lliw llawenydd dros bob man o dan yr awyr las.

A dacw ebol ar y rhiw a’i liw fel tân ar getyn,

A chwmwl llwch tu ôl i ni yn codi fel mwg melyn.

Ac o’r lle uchel, syllu’n syn ar flode’ gwyn y gweunydd

Fel botyme’ bychain del ar wasgod swell y mynydd.

Y lliwiau hyfryd a roes Duw ar lön byw ac enfys,

Fe’u gwelsom nhw i gyd o’r bron drwy’r bore gogoneddus!

Death pob un eto yn ei dro i’r co’ yn llachar iawn

Ar y ffordd i Ffridd y Llyn o’r Berwyn yn y pnawn.